Department of Agriculture, nagpasalig nga indi magbag-o ang presyo sang bugas apisar sa pagsaka sang presyo sang gatong

Ginalauman nga indi maghulag ang presyo sang bugas apisar may pagsaka sa presyo sang produktong petrolyo sini nga semana, santo sa Department of Agriculture (DA).

Suno kay DA spokesperson Arnel de Mesa, estable sa karon ang presyo sang bugas nga yara sa P48 tubtob P55 kada kilo.

Suno diri, biskan pa ilakip sa konsiderasyon ang halit sang apat ka bagyo nga naglabay, nagpabilin nga maayo ang rice inventory.

Base sa Bantay Presyo data sang DA as of September 7, ang premium local rice sang National Capital Region ang naga-range sang P45 tubtob P56 kada kilo.

Samtang, ang regular-milled rice naman ang yara lamang sa P41 tubtob P48 per kilo.

Madumduman nga nagpatuman kahapon sang price hike sa mga produktong petrolyo sa pungsod.