Ginpahayag sang focal person sang City Drug Abuse Council nga may yara sang isa ka Punong Barangay sa ciudad sang Bacolod ang nagpaidalom sa drug rehabilitation program sang ciudad sang Bacolod sang tinalikdan nga tuig.
Sa interview sang Bombo Radyo Bacolod kay Retired Police Brigadier General Primitivo Tabujara, ang Punong Barangay ang nagikan sa numbered barangay sang ciudad kag ini ang nagpungko antes pa man ang administrasyon ni Bacolod City Mayor Alfredo “Albee” Benitez.
Suno kay Tabujara, nagpaidalom ang nasambit nga Punong Barangay sa isa ka bulan nga inhouse rehabilitation program kag tatlo ka bulan nga after care and livelihood program.
Suno diri, sang tinalikdan nagpagwa sang statement si Bacolod City Police Office Director Police Col. Joeresty Coronica sang tinalikdan nga may ginavalidate sila nga mga impormasyon nga ang mga Barangay Officials ang nagaprotekta man sa mga naga-engage sa transaction sa illegal nga druga.
Suno kay Tabujara ang statement sang BCPO ang may mga ginabasehan man ini.
Samtang gin-athag man sini nga ang mga ginacater sa Balay Silangan amo ang mga plea bargainers nga imbulbado sa illegal nga druga.
30 ka clients ang ginacater kada quarter sa Balay Silangan kun sa diin ang mga ini ang ginapaidalom sa isa ka bulan nga inhouse rehabilitation program kag tatlo ka bulan nga after care and livelihood program.
Sa karun, nagapadayon ang Community Based Drug Rehabilitation Program (CDRP) sa nagkalain-lain nga drug affected barangays bangud wala pa sang budget ang Balay-Silangan.
Ginapreparar naman ang anum ka numbered barangays sa ciudad para sa assessment sang drug clearing.
