Nagdangat sa masobra sa 400 porsyento ang ginsaka sa kaso sang dengue sa probinsya sang Negros Occidental santo sa data nga ginhatag sang Provincial Health Office (PHO).
Ang data ang humalin sang Enero 1 tubtob Pebrero 22 subong nga tuig kun sa diin nagdangat sa 1,012 dengue cases kag anum ang napatay.
Nagapanguna sa may pinakamadamo nga kaso ang ciudad sang Bago nga may 209; La Carlota 74; Kabankalan City 70; San Carlos City 67 nga may isa ka napatay; Silay City 58 nga may isa ka napatay; Cauayan 46; Pulupandan 45; Talisay City 42; Hinigaran 36; Isabela 33 nga may isa ka napatay.
May kaangtanan sa nagasaka nga numero sang kaso sang dengue sa probinsya ang Department of Health kasubong man ang Negros Occidental Provincial Health Office ang nagakampanya sang pagpanglimpyo sa tagsa mag alas 4:00 ang takna sa hapon ukon 4S agud nga wala na sang pangitlugan ang lamok kun malimpyo ang palibot kag matapna ang pagsaka sang kaso sang dengue.
