Nagpanugyan ang presidente sang mga Liga ng mga Barangay sa Negros Occidental sa mga incumbent Barangay kag Sangguniang Kabataan Officials nga tion na agud nga mas mapaayo pagid ang pagserbisyo sa mga nasakupan.
Ini matapos nga pirmahan ni President Ferdinand “Bongbong” Marcos Jr. ang Republic Act No. 12326, nga opisyal na nagtalana sang lima katuig nga termino sang pagpungko para sa opisyal sang barangay kag mga miyembro sang Sangguniang Kabataan (SK).
Sa interview sang Bombo Radyo Bacolod kay Board Member Richard Julius Sablan, matapos nga mapirmahan sang presidente ang nasambit nga layi ang madason nga Barangay and SK Elections ang patigayunon sa November 13, 2028 kag opisyal na nga mangin 5 ka tuig kada termino ang term of office sang Barangay Officials.
Suno kay Sablan, ini ang tion na agud nga mas paayuhon pa sang mga ini ang pagserbisyo sa ila mga constituents.
Suno pa diri, dapat man nga ipakita sa mga pumuluyo ang accountability kag transparency sang mga Barangay Officials ini matapos nga ginsaligan sila sang mga pumuluyo.
Ginpahayag man sini nga ang mga pumuluyo ang mahimo nga ireklamo ang Barangay kag SK officials sa Sangguniang Panlalawigan kun ang mga ini ang wala nagaperform sang insakto.
