Nagsaka na sa anom ang napatay bangod sa dengue sa ciudad sang Bacolod.
Nakarecord ang Bacolod City Health Office (CHO) sang panibag-o nga kaso sang dengue sini nga Oktubre.
Ini ang narecord sa Barangay Handumanan kun sa diin ginbawian sang kabuhi ang walo ka tuig nga bata nga babayi sang Oktubre 3.
Sang Oktubre 1, gindala sa ospital ang bata bangud sa diarrhea, pagpalanakit sang tiyan, pagpalanuka kag mataas nga hilanat.
Nagdangat na sa anum ang napatay sa ciudad bangud sa dengue humalin sang Setyembre 27 tubtob Oktubre 3, 2026.
As of October 3, 2026, nagapabilin nga may pinakamataas nga narecord nga kaso sang dengue ang Barangay Mansilingan.
Ginsundan sang Barangay Handumanan nga may 77 dengue cases, Estefania nga may 73 cases, Alijis nga may 58 cases kag Brgy. Granada nga may 55 cases.
