Amat-amat na nga nagarecover ang duha ka ido nga gintiro sang indian target sa banwa sang Murcia, Negros Occidental.
Madumduman nga madasig nga naglapta sa social media ang litrato sang ido nga si Tiktok nga may igo sang lima ka indian target sa Barangay Blumentritt sa banwa sang Murcia.
Kasunod sini, may isa pa gid ka ido nga si Bulldog ang gintiro man sang indian target sa bahin sang Barangay Caliban sa amo man nga banwa.
Sa interview kay Doc Aaron Pabalan sang Juan Veterinarian Animal Clinic, maayo na ang kaon ni Tiktok samtang padayon ang pagbulong sini sang antibiotic, anti-inflammatory kag pain reliever.
Ginalauman naman nga makapauli na ini sa masunod nga semana.
Samtang si Bulldog naman ang may gamay lang nga pilas kag maayo na ang kondisyon.
