Nadulaan sang kabuhi ang babayi samtang pilason naman ang live-in partner sini nga anay Punong Barangay sa Bago City matapos ginluthang samtang nagasakay sa salakyan sa Bangga Tomaro, Brgy. Sum-ag, Bacolod City, alas 8:45 kagab-i.
Sa interview sang Bombo Radyo kay Police Captain Andy Ofalia, station commander sang Bacolod Police Station 9, posible nga ginsundan sang ginabanta duha ka mga motorsiklo ang salakyan nanday Carmelita kag Federico “Bimboy” Gayagas Jr. kag paglab-ot sa Bangga Tomaro, didto sila ginluthang.
Nadulaan sang kabuhi si Carmelita samtang pilason naman si Bimboy.
Suno kay Ofalia, may narecover nga malaba nga armas sa salakyan sang mga biktima nga posible M16 rifle.
Suno diri, residente sang Barangay Sum-ag si Carmelita samtang anay punong barangay sa Barangay Bacong, Bago City naman si Bimboy.
Sa karun nagapadayon pa ang imbestigasyon sang kapulisan.
