Luyag sang 19 anyos nga babayi sa Connecticut nga idemanda ang iya anay buluthuan matapos nga siya ginpagraduate nga may “with honors” apisar nga indi indi makahibalo magbasa kag magsulat.
Naggradwar sa Hartford Public High School si Aleysha Ortiz nga may honors kag may college scholarship apang luyag sini nga idemanda ang iya anay buluthuan bangod sa nabatyagan sini nga emotional distress.
Gin-akusahan sang 19 anyos ang public learning institution bangod sa pagpabaya sa iya edukasyon nga suno sa iya bisan ang pag-uyat sini sang lapis kag pagbasa ang kaangay sa first grader.
Ginbun-ag sa Puerto Rico si Aleysha kun sa diin siya ang may kabudlayan sa pagtuon kag ini nagpadayon tubtob sang nagsaylo ini sa Estados Unidos sa edad nga lima ka tuig.
Para sa iya, ang buluthuan kag special teacher nga naappoint para sa iya ang wala maayo nakabulig sa iya tubtob nga isa ka bulan antes ang graduation sang ginconduct ang additional testing nga ginapangayo sini, didto niya narealisar ang iya pagka-illiterate.
Samtang, gin-ako naman sini nga naggamit ini sang smartphones sa pagtranslate sang speech, pagfill up sang college application kag pagsulat sang required essay.
Aminado ini nga nabudlayan ini sa college kag temporaryo nga nag-untat sa pag-eskwela para sa mental health treatment.
Pahayag ni Aleysha, gindemanda sini ang iya former school bangod luyag sini manabat ang mga lideres sa kun ano man ang nagaka-eksperyensya sini sa karun sa pag-eskwela.
