Ginpahayag sang grupo sang mga manunudlo nga ang class suspensions bangud sa tuman kainit nga tiyempo ang dapat nga mangin last resort bangud ang mga estudyante amu ang madehado.
Ini matapos pila ka mga areas sa pungsod ang nagsuspendi sang face-to-face classes sang nagliligad nga mga inadlaw bangud sa forecasted high heat index sa pungsod.
Suno kay Benjo Basas, chairperson sang Teachers’ Dignity Coalition (TDC), ang kanselasyon sang face-to-face classes ang kuntani last resort na bangud ang pierde diri amu ang mga kabataan.
Suno diri, apisar nga madutay nga tiyempo ang ihatag sa pagsulod sa klase, may interaskyon ang manunudlo kag bata kag nagahatag ini sang maayo nga impact bangud mahatag sang manunudlo ang dapat nga matun-an.
Sa karun, gina-implementar sang Department of Education ang alas-6:00 sang aga tubtob alas-10:00 sang aga nga klase; alas-10:00 sang aga tubtob alas-2:00 sang hapon nga asynchronous learning kag ang continuation sang face-to-face classes, sa isa naman ka batch alas-2:00 sang hapon tubtob alas-6:00 sang gab-i.
