Wala pa sang may nabaton nga derektiba ang Police Regional Office 6 angot sa pagpatuman sang heightened alert status sa regional offices kag national support units kasunod sa pag-aresto kay former president Rodrigo Duterte.
Santo sa direktiba sang PNP, ang heightened alert status ang may tinutuyo nga i-address ang maskin ano nga security challenges nga posible nga magluntad nagikan sa public disturbances.
Sa interview sang Bombo Radyo Bacolod kay Police Lt Col. Arnel Solis, spokesperson sang Police Regional Office 6, wala sang may namonitor nga may yara sang nagaplano nga magconduct sang rally apang suno diri, nakahibalo naman ang mga tawo sa mga layi sa pagpatigayon sini.
Nagpasalig naman ini nga nakahibalo naman ang mga kapulisan sang ila mga responsibilidad sa pagpatuman sang peace and order.
Samtang, ginpahanumdom naman sini nga kun may yara sang rally dapat hiwaton ini sa freedom park kag dapat may yara sang permit.
