Nangin kontrobersyal ang ginhimo sang isa ka political party ni Russian president Vladimir Putin nga nagdesisyon nga hatagan sang meat grinders ang mga iloy sang mga suldado nga napatay sa giyera batok sa Ukraine sa pagselebrar sang International Women’s Day.
May yara sang litrato kun sa diin ang executive secretary sang Polyarnye Zori United Russia branch nga si Anna Makhunova kag Maxim Chengaev, representative sang “Defenders of the Fatherland in the Murmansk Region Foundation”, nagatindog sa tupad sang isa ka iloy nga nadulaan sang mga bata nga lalaki sa giyera, ang nagangirit samtang uyat ang meat grinders.
Nangin viral ang picture kun sa diin madamo sang nagcriticize sa political party nga insensitive sa nabatyagan sang mga iloy, apang nagpahayag naman ang partido nga may isa ka iloy gid man nga nangayo sang meat grinder.
Gin-athag man nila nga indi kalakip sa standard gift set ang meat grinder apang may nangayo nga iloy kag indi man sila makapang-indi.
Apang, ang problema sa karun amo nga indi lang isa ka babayi ang ginhatagan sang meat grinder kag madamo pa sang pictures nga naglapta nga nagbaton ang mga iloy sang nasambit nga regalo.
