Ginpahayag sang public information officer sang Department of Education Division of Negros Occidental nga makabig eye opener ang insidente sa food poising sa mga estudyante sa Bubog Elementary School sa ciudad sang Talisay, Negros Occidental.
Sa interview sang Bombo Radyo Bacolod kay Ian Arnold Arnaez, ang insidente ang magaserbe nga eye opener sa tanan nga ang food safety ang tuman ka importante sa tanan sa atun.
Suno kay Arnaez, dapat tsekyaron gid ang mga pagkaon nga ginapangkaon naton agud nga malikawan ang food poisoning.
Suno diri, dapat hugot nga tsekyaron sang mga ginikanan kag mga guardians ang mga pagkaon ilabi na ang ginabalon sang mga kabataan sa eskwelahan.
Ginpahayag man sini nga dapat mangin mahinalungon agud nga malikawan ang worst pa nga posible matabo kun ini maayo nga pagkaon ang nabalon sang mga kabataan sa eskwelahan.
Panugyan sini nga ang tanan dapat aware sa mga ginakaon.
Apang aminado man ini nga indi man macontrol sang mga eskwelahan ang ginapabalon sang mga ginikanan sa mga kabataan.
Dugang pa sini nga wala man ginadumilian ang pagbaligya sagwa sang mga eskwelahan bangud magluwas nga sagwa na ini sang perimeter sang eskwelahan ginaintindi lamang nila bangud ang barangay na ang dapat magregulate sa mga ini apang nagpanugyan lamang ini nga dapat siguruhon sang mga nagabaligya nga matinlo kag maayo ang ila mga ginabaligya nga pagkaon.
