Nagdangat sa masobra sa P300,000 ang kahalitan nga gintuga sang nagluntad nga sunog sa Bangga Nuebe, Purok Kaisahan, Barangay Sum-ag, ciudad sang Bacolod kahapon sang aga.
Sa interview sang Bombo Radyo Bacolod kay Fire Officer 2 Anthony Val Isansa, Fire Investigator sang Bacolod City Fire Station, ang imbulbado sa sunog amo ang isa ka 2 storey residential building kun sa diin partially damage.
Suno kay Isansa ang sunog ang yara sa First alarm.
Ang balay ang ginapanag-iyahan ni Ronie Patricio Ditchella.
Ang nasunog ang naibabaw nga bahin sang balay kag ang balor sang kahalitan ang nagdangat sa P315,000.
Santo sa inisyal nga imbestigasyon ang sunog ang nagsugod sa second floor sa kwarto mismo sang bata ni Ronnie.
Ginalantaw nga ginhalinan sang kalayo nga gintunaan sang sunog amo ang electrical ignition.
Sang nagluntad ang sunog ang nabilin lamang sa balay ang asawa ni Ronnie nga nagamasakit nga yara sa first floor sang ila balay.
Santo man sa pahayag sang mga bystander nga may nakita sila nga may nagsirit kag gulpi lamang nga may naglupok kag madasig nga nagdako ang kalayo.
Ginpahayag man sang tag-iya sang balay nga ang ila service drop ang nagaluyloy kag kun maghangin nagasag-id id kun sa diin gintape-an lang nila kag ini ang ginalantaw nga ginhalinan sang electrical ignition.
