Gin-aprubahan na sang Department of Budget and Management (DBM) ang P1 billion nga pondo para sa pagpatindog sang Child Development Centers (CDCs) sa mga may manubo nga income nga local government units (LGUs) sa bug-os nga pungsod.
Ang tikang ang kasunod sang mando ni President Ferdinand “Bongbong” Marcos Jr. nga mag-invest sa edukasyon kag pagsanyog sa human capital development kun sa diin ginpangunahan man sini ang seremonya sang pagpirma sang joint memorandum circular sa Malacañang sang Abril 3.
Suno sa Presidente ang mga ang magahatag sang mapag-on nga pundasiyon sa mga bata nga magapabakod sang pundasiyon sang pungsod.
Magabenepisyo diri ang 328 ka mga Barangay kalakip na ang 89 sa Luzon, 106 sa Visayas kag 133 sa Mindanao kalakip na ang Bangsamoro Autonomous Region in Muslim Mindanao (BARMM).
