Nagtalana ang gobyerno sang P107.4 billion para sa mga flood control projects sa idalom sang proposed 2027 national budget, kalakip ang pondo para sa maintenance, repair, rehabilitation, kag improvement sang mga napatindog na nga mga imprastraktura, santo sa Department of Budget and Management (DBM).
Suno kay DBM Acting Secretary Kim Robert de Leon, ginpadayon ang pagpondo sa mga flood control projects bangud indi dapat pagpabay-an ang mga proyekto nga naumpisahan na.
Suno diri, indi man one-time expenditure ang tanan nga flood control projects bangud may pila ka mga pasilidad ang nagakinahanglan sang padayon nga operasyon kag maintenance.
Sa kabug-usan, P19.6 billion ang ginpropose bilang capital outlay para sa ongoing foreign-assisted flood control projects.
May dugang naman nga P3.41 billion para sa Metropolitan Manila Development Authority (MMDA) flood control program.
Ginpahayag ni De Leon nga napaidalom sa mas hugot kag mas istrikto nga vetting ang mga flood control project sa paghanda sang 2027 National Expenditure Program (NEP) kasunod sang mga alegasyon sang anomaliya sa pila ka mga government flood control projects.
Pagagamiton naman sang DBM ang COMPASS system agud mangin available sa publiko ang impormasyon natuhoy sa pondo, samtang gamiton naman ang transparency portal sang Department of Public Works and Highways (DPWH) para sa pagmonitor sang implementasyon.
Ang proposed 2027 NEP ang ipaidalom pa sa deliberasyon sang Kongreso antes maaprubahan ang final national budget.
