Ginpahayag naman sang isa pa ka residente sang Barangay Haguimit sa ciudad sang La Carlota nga ila gina-amat amat flushing ang ila nga dalan bangud nga madanlog ini bangud sa abo nga ginbuga sang Bulkan Kanlaon.
Sa interview sang Bombo Radyo Bacolod kay Charlene Recobre, may yara ini sang apo nga gamay gani agud masiguro nga indi ini makadalin-as nagakuha ang mga ini sang tubig nagikan sa suba agud nga ibasya sa dalan agud makuha ang madanlog nga abo.
Suno kay Recobre, panawagan sini nga marasyonan sila sang tubig nga mainum bangud wala pa nakalab-ot didto ang water filtration truck nga ginpadala sang provincial government nga magrasyon sang tubig.
Nagabakal man ang mga ini sang ila mainum nga tubig sa town proper.
Nagapanawagan man ini nga may ipadala nga fire truck agud nga maflashing ang mga dalan bangud madanlog bangud sa abo kasubong man sa yab-ok bangud sa tuman kainit nga panahon.
Kun ipaanggid sa December 9 nga eruption mas malala ang naeksperyensya nila sa karun bangud kahapon sang naglupok ang Bulkan Kanlaon nga sa ciudad sang La Carlota nagbansada ang hangin gani tanan nga abo ang nagtupa sa ciudad.
