Ginpaiway anay sang alkalde sa La Carlota City ang nagahilapit kuntani nga Pasalamat Festival bangod sa indi mapaktan nga sitwasyon sang Bulkan Kanlaon.
Sa interview sang Bombo Radyo Bacolod kay La Carlota City Mayor Rex Jalandoon, unpredictable ang sitwasyon kag indi mapaktan kun san-o liwat magalupok ang Bulkan.
Dugang pa sini nga kun hinali magsaka sa Alert Level 4 ang status sang Bulkan Kanlaon, makanselar man gihapon ang selebrasyon.
Dugang pa sini nga nagapangatubang pa sang problema sa ashfall kag kakulang sang tubig ang La Carlota City gani nagdesisyon ini nga sila ang magaselebrar na lamang kun magkalma na ang Bulkan ukon magpanaog ang status sa Alert Level 2.
Ang Pasalamat Festival 2025 ang patigayunon kuntani sa Abril 21 tubtob 27.
Gina-apresyar man sang alkalde ang mga pumuluyo nga nagapartisipar sa selebrasyon, gani nagapangayo ini sang pasaylo nga ini ang indi madayun kag nagalaom si Jalandoon nga mahangpan sang pumuluyo ang iya desisyon.
