Nagapadayon sa gihapon ang mga aktibidad sang Bulkan Kanlaon.
Sa interview sang Bombo Radyo Bacolod kay Ptolemy Mañego, Science Research Assistant sa Kanlaon Volcano Observatory, may narecord ang Philippine Institute of Volcanology and Seismology (Phivolcs) sang 15 ka volcanic earthquakes sa Bulkan Kanlaon, Sulfur Dioxide Flux nga nagdangat sa 1633 ka tonelada kada adlaw, 50 metros ang kataason sang Plumes nga padulong sa naaminhan-nakatungdan kag nagapadayon ang ground deformation sang Bulkan.
Suno kay Mañego mahimo nga may nagsupon sa vent sang Bulkan gani sa nagligad nga tatlo ka adlaw malaka lamang ang narecord nga pagbuga sini sang abo.
Wala man sang narecord nga lahar flow apisar sang naobserbahan nga light to moderate nga pag-ulan.
Nagapabilin sa karun sa alert level 3 ang Bulkan Kanlaon.
