Nagpatuman sang big-time oil price rollback ang mga oil firms subong nga Semana Santa.
Sa separado nga advisories, ang Chevron Philippines Inc. (Caltex), Seaoil Philippines Corp., kag Shell Pilipinas Corp. ang nagpahayag nga nagpatuman sila sang pagnubo nga P3.60 kada litro sa Gasolina; P2.90 kada litro sa diesel kag P3.30 sa kada litro sang Kerosene.
Ang Cleanfuel ang nagpatuman sang pareho nga price adjustment magluwas nalang sa kerosene nga wala sa ila nga produkto.
Nagtake effect ang price adjustment alas 6:00 ang takna kaina sang aga sa tanan nga oil firms magluwas nalang sa Clean fuel nga magapatuman sang price adjustment alas 8:01 ang takna subong nga aga.
Una na nga gin-project sang Department of Energy-Oil Industry Management Bureau (DOE-OIMB) ang big-time rollback subong nga semana bangud sang nagasaka nga trade tensions sa tunga sang China kag Estados Unidos.
