Ginmanduan ni President Ferdinand “Bongbong” Marcos Jr. ang mga ahensya sang gobyerno nga siguruhon ang safety sang mga Filipino sa Holy Week break, sila ang nagabyahe man sa nagkalain-lain nga mga destinasyon ukon magapabilin lamang sa ila mga puluy-an.
Suno kay Palace Press Officer Claire Castro, direktiba sang Presidente nga mahatagan ang mga Filipino kag kun sin-o man ang mga nagabisita sa pungsod sang isa ka safe kag convenient travel.
Gani ginalauman si Transportation Secretary Vince Dizon, nga nagalibot man sa karun agud mahibaluan ang mga nagabyahe kun may mga overloading kag kun ano pa ang posible mangin problema sang mga vehicles kag mga transportasyon nga possible ma-avail sang mga pumuluyo.
Suno kay Castro, nagdeploy ang Bureau of Immigration sang mas madamo nga mga personnel sa mga airports para sa ginalauman nga pagsaka sang numero sang mga byahero.
Samtang, tinutuyo ni President Ferdinand Marcos Jr. nga magsaulog sang Semana Santa kaupod ang iya pamilya, apang siya ang magapadayon sang pag-angkon sang nagkalain-lain nga mga engagements tubtob sa Miyerkules.
