Ginpasidunggan si Filipina tennis star Alex Eala sa Malacanyang matapos ang iya maragtason nga kampanya sa Wimbledon.
Kaupod ang iya ginikanan nga sanday Mike kag Rizza Eala, sila ang personal nga gin-abi-abi ni President Ferdinand “Bongbong” Marcos Jr. kag First Lady Liza Marcos sa Ceremonial Hall bilang pagkilala sa iya mga kadalag-an.
Sa speech sang presidente, ginpahayag sini nga dako nga kadungganan ang gindala ni Eala sa Pilipinas matapos mangin una nga Pinoy nga nakalab-ot sa Round of 16 sa Wimbledon.
Suno kay Marcos, indi lamang ang mga achievements ni Eala ang ginapabugal sang pungsod kundi lakip man ang iya pagkamapainubuson, disiplina, kag isa ka maayo nga ehemplo, sa pihak sang mga pagtilaw nga iya naatubang.
Bilang pagkilala sa iya maragtason nga kadalag-an, ginpasidunggan sang Presidente si Eala sang Presidential Citation.
Nagpasalamat man ang 21-anyos nga tennis star sa padayon nga pagsuporta sang mga Pilipino kag nagpromisa nga ipadayunon ang iya pag-ensayo kag himuon ang tanan agud maalsa ang hayahay sang Pilipinas sa world tennis.
