Para sa nagtop-8 sa Electronics Engineering Licensure Exam mas naganginbabaw sa iya ang disiplina sang sa motibasyon sa pagtuon.
Sa interview sang Bombo Radyo kay Bryan Mc Perry Guillang sang Technological University of the Philippines Visayas, mas ginahatagan sini sadto sang atensyon ang sports kaangay sang football, basketball, badminton, kag volleyball kag naga-intra man ini sa dance group.
Suno diri, indi ini achiever gid nga kun kaisa mag-intra ini sadto sa mga quiz bee wala man siya nagadaog.
Nagdesisyon na lamang ini nga magfocus sa academics sang sa college na kag luyag sini nga madala gid bilang top notcher.
Madamo man ini sang mga libro nga ginbasa kag gintun-an nga dako gid ang bulig sa iya.
Pahayag ni Guillang, temporary lang ang motibasyon apang ang disiplina ang may dako gid nga bulig sa pagdevelop sa pagtuon.
Si Guillang ang residente sang banwa sang San Enrique kag nakakuha snag rating nga 90.30 percent sa Electronics Engineering Licensure Exam.
