P59 million ang budget nga gintalana sang Department of Public Works and Highways (DPWH) – Bacolod para sa retrofitting sang siyam ka taytay sa ciudad.
Sa interview sang Bombo Radyo Bacolod kay Engr. Leah Jamero, District Engineer sa DPWH – Bacolod, may siyam ka taytay sa ciudad nga may yara sang guba ukon may litik na kag kinahanglan nga tapalan.
Ipaidalum sa retrofitting ang Bakyas bridge, Banago bridgem Cabalagnan brigde, Loygoy bridge, Lupit bridge, Magsungay bridge, Mambuloc bridge, kag Araneta-Magsaysay Flyover.
Ginalauman nga matapos ang retrofitting sa sulod sang isa ukon duha ka semana. SAMTANG…P789.573 million ang budget nga gintalana para sa preventive maintenance kag asphalt overlaying sa 17 ka dalan sa ciudad sang Bacolod.
Sa interview sang Bombo Radyo Bacolod kay Engr. Leah Jamero, District Engineer sa Department of Public Works and Highways (DPWH) – Bacolod, may yara sang massive asphalt overlaying kun sa diin iban ang on going pa samtang ang iban ang natapos na.
Ang 17 ka dalan ang ginalakipan sa bahin sang Bacolod South Road, Bacolod San Carlos Road, Lacson Circumferential flyover, Bacolod Circumferential Road, Bacolod Silay Airport Access Road, Plaza Capitol Road, kag Bacolod North Road.
