Ginpahayag naman sang konsehal sa ciudad sang Bacolod kag nagapapili bilang bise alkalde nga ang respondents sa nasambit nga survey ang indi man kabahin sang Team El Cid.
Sa interview sang Bombo Radyo Bacolod kay Councilor Atty Renecito Novero, kun lantawon credible man ang nagpatigayon sang survey apang nakadepende sagihapon kun sin-o ang ginpamangkot sang ginpatigayon ang survey.
Suno kay Novero, ang survey ang ginakabig sini nga pre-expression sang mga voters antes ang election.
Suno diri, ang iban nga nagahimo sang statement angot sa resulta sang survey ang agud nga makahimo sang bandwagon.
Ang Team El Cid ang wala nagpagwa sang resulta sang survey gani wala sila plano nga maghimo sang bandwagon kag magpalapta sa tawo sang misinformation.
Suno sa konsehal kun ang survey ang ginapatihan sang pihak nga kampo, ihatag nalang ini bangud mahibaluan sa gihapon ang kamatuoran sa Mayo 12.
Panugyan sini nga magpangayo sang giya sang makaako agud mahatagan sang kaalam sa pagpili sang nagakadapat nga kandidato nga magpungko para sa pagserbisyo sa ciudad sang Bacolod.
