Ginmultahan si Minnesota Timberwolves guard Anthony Edwards sang $50,000 para sa iya direkta kag wala nagakaangay nga lenguahe kag paghimo sang bastos nga aktwasyon batok sa isa ka fan.
Ini ang gin-anunsyar sang National Basketball Association (NBA) kahapon, Abril 23, oras sa Pilipinas.
Ini ang panibag-o nga bayolasyon ni Edwards nga gina-assess naman sa pagmulta nga nagadangat sa $320,000 subong nga season para sa nagkalain-lain nga mga offenses.
Nalakip diri ang foul language sa media interviews, bastos nga aktwasyon sa sulod sang court, kag kapaslawan nga maggwa sa court sa husto nga oras matapos ini nga gin-eject sa hampang.
Ang pinakabag-o nga insidente natabo sa third quarter sang kadalag-an sang Timberwolves, 117-95 batok sa Los Angeles Lakers sa game one sang Western Conference first-round playoff series sang Sabado, April 19.
