Ginpahayag sang miyembro sang grupo sang Persons with Disabilities (PWDs) kag senior citizens nga indi maka-igo ang lima tubtob pulo ka kilo sang bugas sa sulod sang isa ka semana.
Sa interview sang Bombo Radyo kay Jirry Quireno PWD head sang brgy Guimbalaon, ciudad sang Silay, makaigo ang tubtob sa napulo ka kilo sang bugas sa isa ka semana kun ang pamilya yara lang sa duha tubtob apat ka miyembro.
Ini kasunod sa pagbaligya sang P20 nga kilo sang bugas nga tubtob lang sa napulo ka kilo kada semana.
Suno diri, duha lamang sila sa sulod sang ila balay kag ang 10 ka kilo ang saktohan lang sa isa ka semana para sa ila.
Samtang, luyag man sang senior citizen nga si Villanueva nga makabakal sang P20 nga kilo sang bugas para matilawan ang sabor sini.
Suno diri, mas maayo ang local rice sang sa imported nga kun tig-angon madasig lang mapan-os.
