Duha ka bangkay sang lalaki ang nasapwan sa sulod sang kampo sa Hacienda San Roque, Barangay Cubay, La Carlota City, Negros Occidental, kaina, alas- 8:30 sang aga.
Sa interview sang Bombo Radyo kay Mayor Rex Jalandoon, nasapwan ang mga bangkay sang lalaki sa sulod sang kampo nga sa karun wala pa sang mga identity.
Sa inisiyal nga imbestigasyon nagaroving sa area si Reynaldo Pilar sang nakit-an sini ang isa ka area nga ginkotkotan kag didto na nakit-an ang duha ka bangkay sang lalaki nga ginlubong.
Sa karun wala pa sang mga identity ang mga bangkay apang isa diri ang may tattoo sa natuo nga abaga kag may masking tape sa iya nawong.
Samtang, madumduman nga sang Agosto 14, 2024 sa amo man nga kampo nasapwan si Pearl Joy Galve nga naputos ang ulo sang duct tape.
