Nagpatuman sang pagnubo sa presyo sang produktong petrolyo ang mga oil firms subong nga aga.
Sa separado nga advisories, ang Chevron Philippines Inc. (Caltex), Seaoil Philippines Corp., kag Shell Pilipinas Corp. sila ang nagpanubo sang P0.55 sa kada litro sang gasolina, P0.65 kada litro sang diesel kag P0.90 sa kada litro sang kerosene.
Ang Cleanfuel ang magapatuman sang pareho nga adjustment magluwas sa kerosene nga wala sa ila nga produkto.
Ginpatuman sang oil firms ang price adjustment alas 6:00 ang takna kaina sang aga samtang ang Cleanfuel ang magapatuman sang price adjustment alas 8:01 ang takna subong nga aga.
Una na nga ginpahayag sang Department of Energy-Oil Industry Management Bureau (DOE-OIMB) nga maganubo ang presyo sang gatong subong nga semana bangud sang kahangawa may kaangtanan sa oversupply sa global markets, kag possible impact sang tarrif policies sang US sa global economic growth kag fuel demand.
