Naglunsyar sang missile strikes ang India padulong sa Pakistan, nga nagpalala pa sa tensyon sa tunga sang duha ka magkaingod nga pungsod.
Target sang missile strikes ang “terrorist infrastructure” sa Kashmir region.
Ginpanginwala naman sang Pakistan ang claim, kag nanindugan nga sibilyan lamang ang nahalitan sa pag-atake.
Nahibaluan nga ang Kashmir ang natunga sa kontrol sang India kag Pakistan, apang parehas nga pungsod ang nagaclaim sa kabug-usan sang rehiyon.
Ang relasyon sang duha ka pungsod ang naglala pa matapos ang natabo nga shooting incident nga nagpatay sang 26 ka persona, nga mayorya mga Indian tourist sa isa ka scenic spot sa Kashmir.
Pahayag sang India nga siyam ka sites ang ila nga gintarget.
Suno kay Pakistani military spokesperson Ahmed Sharif Chaudhry, sila ang magabalos apang wala pa ginbuyagyag kun san-o kag kun sa diin nga lugar maga-atake.
Panindugan sini nga indi mahimo nga indi sila magsabat sa ‘heinous provocation.’
