Nagpadala na ang Iran sang sabat sa pinakabag-o nga ceasefire proposal sang Estados Unidos paagi sa mga mediator naggikan sa Pakistan, suno sa state-run media sang Tehran.
Tuyo sang Iran nga i-focus ang negosasyon sa permanente nga pagtapos sang gyera kalakip ang kinagamo sa Lebanon, kag ang seguridad sang shipping routes sa rehiyon.
Kalakip sa panugda sang Washington ang liwat nga pagbukas sang Strait of Hormuz kag pag-untat sang nuclear program sang Iran, apang luyag sang Tehran nga istoryahan ini sa masunod nga pagsinapol.
Samtang, liwat nga natestingan ang nagapadayon nga ceasefire matapos magluntad ang gamay nga sunog sa isa ka barko malapit sa Qatar bangud sa drone attack.
Nagreport man ang United Arab Emirates kag Kuwait sang mga drone nga nagasulod sa ila nga airspace.
