Iran, liwat nga naglunsyar sang drone kag missile strikes sa Bahrain kag Kuwait bilang sabat sa US airstrikes

Liwat nga naglunsyar sang drone kag missile attacks ang Iran kahapon nga nagtarget sa Bahrain kag Kuwait bilang sabat sa panibag-o nga airstrikes sang Estados Unidos.

Nagpamahog man ang Iran nga mahimo untaton ang negosasyon para sa peacetalks kun magpadayon ang pagpang-atake sang Washington.

Padayon naman ang tensyon sa Strait of Hormuz samtang ginpakigbato sang Iran nga sila lamang ang may kinamatarong nga magdumala sa nasambit nga ruta.

Isa naman ka maritime body nga ginadumalahan sang U.S. Navy ang nag-anunsyo sang Sabado nga ila pasangkaron ang ruta malapit sa Oman kag ini ang nagtuga sang panibag-o nga tensyon sa Iran.