Ginapahanugotan ang pagdala sang papel nga mahimo sundan para sa eleksyon ilabi na sa vulnerable sectors.
Sa interview sang Bombo Radyo Bacolod kay Bacolod City Election Officer Atty Revo Sorbito, mas mahapos para sa mga PWDs, Senior Citizen kag pregnant women kun may dala na sila nga kodigo kun sin-o ang ila botohon.
Suno diri, kun may yara sang kodigo, gamay ang tsansa nga magsala sila sa ila mapilian kag mas madasig pa ini para sa ila.
Samtang, nagpasalig naman si Sorbito nga wala sang dapat ikabalaka kun may yara sang power interruption sa adlaw mismo sang eleksyon.
Nagpasalig na ang Negros Power nga wala sang power interruption apang kun may yara gid man, may yara sang battery life ang ACMs nga maka-operate sang masobra 14 ka oras kag may yara man sang technical support staff nga incharge para magtrouble shoot sa technical problems.
