Tatlo ka adlaw antes ang 2025 midterms elections, ginpahayag sang Philippine National Police nga naka-full alert na ang ahensya.
Suno kay PNP spokesperson Jean Fajardo, ang national police force ang nagdeploy sang 160,000 police officers agud magsecure sa polling precincts sa palibot sang pungsod.
Kabug-usan nga 370 ka mga areas ang gindesignate bilang areas of concerns as of May 5.
Sa nasambit nga numero, 197 ang ginpaidalum sa yellow category ukon may yara sang presensya sang suspected-election related incidents, intense political rivalries, potential hiring sang private armed groups ukon politically motivated election-related incidents.
Kabug-usan nga 136 ang ginpaidalum sa orange category ukon may presensya sang serious armed threats ukon indi magnubo sa duha ka factors nagikan sa yello category.
Samtang lima naman ka areas ang ginpaidalum sa red category kun sa diin duha ka mga areas ang napaidalum na sa karun sa control sang Commission on Elections nga ginlakipan sang Data Odin Sinsuat kag Buluan, Maguindanao.
