Nakapaidalom na sa full alert status ang tanan nga units sang Philippine National Police (PNP) sa bug-os nga pungsod nga nag-umpisa kahapon samtang nagahanda ang mga otoridad sa ginapaabot nga pagdagsa sang mga tawo nga magabisita sa mga sementeryo kag magabiyahe sa tion sang Undas 2026.
Suno kay PNP Deputy Chief for Administration Lieutenant General Wilson Lopez, kapin 141,000 ka mga personnel gikan sa PNP kag augmentation forces ang gin-deploy para sa pagpatuman sang seguridad sa okasyon.
Suno naman kay National Capital Region Police Office (NCRPO) chief Police Brigadier General Christopher Abrahano, ginabantayan man sang kapulisan ang mga residential areas kag commercial establishments agud malikawan ang mga krimen kaangay sang pagpangawat samtang nagabisita ang mga residente sa ila pamilya nga nagtaliwan.
Suno diri, magapadayon ang regular nga pagpatrolya sang kapulisan, anti-criminality operations, kag crime prevention activities, kadungan sang Undas security deployment.
Gina-abisohan sang mga otoridad ang publiko nga magpabilin nga mabinantayon kag magkooperar sa mga pagsulondan agud masiguro ang malinong nga pag-obserbar sang Undas 2026.
