Gincongratulate ni President Ferdinand “Bongbong” Marcos Jr. si Cardinal Robert Francis Prevost sa iya election bilang bag-o nga Santo Papa kag sa karun may papal name nga Pope Leo XIV.
Suno kay Marcos, on behalf sang pungsod Pilipinas, ginacongratulate sini si Prevost sang Estados Unidos sa election sini bilang successor ni Pope Francis.
Si Marcos ang nalakip sa mga world leaders nga nagpadala sang ila congratulatory message sa bag-o nga Santo Papa, nga natalana nga magpanguna sa kapin 1.4 billion Catholic sa bilog nga kalibutan.
Suno sa Presidente, nagalaom ini nga padayunon ni Pope Leo XIV ang pagdala sa Simbahan palapit sa mga pigado kag disadvantaged.
Nagapangamuyo man ang mga Filipino sang kusog kag maayo nga ikaayong lawas para sa bag-o nga Santo Papa.
