BREAKING NEWS. Punong barangay sang Brgy. Lantad, Silay City ang ginakabig nga suspect sa pagtiro sa mga supporters ni Team Ugyon sa Brgy. Mambulac subong nga aga.

Ini ang ginkumpirmar ni Police Col. Rainiero de Chaves, provincial director sang Negros Occidental Police Provincial Office.

Suno kay de Chaves, at large si Punong Brgy. Arnie Benedicto.

Duha patay kag lima ang mga pilason matapos nga ginpaarakan sang luthang sang wala nakilal-an nga mga suspetsado sa sitio Ipil-Ipil, Brgy Mambulac, ciudad sang Silay, Negros Occidental, subong nga aga.

Sa imporamasyon nga nakuha sang Bombo News Team, ang mga biktima ang mga volunteers sang Team Ugyon nga nagatindog sa gwa sang isa ka balay nga ginakabig nga headquarters sang Grupo Asenso sang may naglabay nga van kag nagpaarak sang luthang.