Nagapati ang Office of Civil Defense nga dapat matumod sang gobyerno kun diin igatukod ang mga evacuation centers samtang nagahilapit ang tig-ululan.
Suno kay OCD administrator Undersecretary Ariel Nepomuceno, dapat mangin madasig ang pagtukod sang mga evacuation centers gani dapat matumod gilayon kun diin ang mangin lokasyon sang mga ini.
Suno sa iya, isa sa mga pagpanghangkat sa pagtukod sang mga evacuation centers amu ang availability sang property lots kag accessibility.
Dugang pa sini nga dapat gobyerno ang nagapanag-iya sang duta kag indi pwede nga baklon ini nagikan sa private sector bangud mahal kag malaba ang proseso.
Kun natumod na ang lokasyon, kinahanglanon nga makaigo diri ang gindesign sang DPWH bangud indi lang ini dalaganan sang mga tawo kundi nagakadapat nga may yara sang study area, lugar para sa mga nursing mothers, prayer room, lutuan, kuryente kag tubig.
