Padayon pa ang imbestigasyon sang Bacolod City Fire Station sa nagluntad nga sunog sa Brgy 1, kaina sang kaagahon.
Sa interview sang Bombo Radyo Bacolod kay Fire Officer 2 Rolin Paulan, Fire Chief Investigator, Bacolod City Fire Station, late na nareport ang sunog kag pag-abot nila sa area, natupok na ang balay kag nagdeklarar na sila nga fire out bangod wala na sang may nakit-an nga kalayo.
Suno diri, padayon pa gina-imbestigaran kun diin naghalin ang kalayo nga nagtuga sang sunog.
Panugyan ni Paulan sa mga ginikanan nga indi pagbayaan ang mga bata nga sila lang sa sulod sang balay, indi pag-ibilin nga nakasindi ang kandila, ukon ang lulutu-an ukon ang mga appliances kag dapat nga tudloan ang mga kabataan kun ano ang pagahimuon sa tion sang emerhensya kag magprovide sang alternative exit.
