Ipaidalum sa legal proceeding ang duha ka regular employee sang San Carlos City government matapos nga maglikaw sa random drug test.
Suno kay San Carlos City Mayor Renato Gustilo, 115 ka mga empleyado ang ginapaidalum sa random drug test sang Mayo 19.
Ini ang mga empleyado halin sa People’s Park Management Office, City Sports Office, Parks and Plaza sa City Engineering Department, City Planning and Development Coordinating Office, San Carlos City Heritage, Culture and Arts Council kag City Environment Management Office.
Suno diri, ang 115 ka mga empleyado 100 percent nga negatibo ang resulta apang may yara pa gid dapat sang duha ka empleyado nga nalakip man diri.
Ang duha wala nag-upod sa drug test kag makapila na nga ginacontact sa cellphone apang wala nagasabat.
Nahibaluan man nga may rekord na ang duha sa positive drug test kag ginpaidalum sa rehabilitation program apang sang naggwa. liwat naman sila nga nagbalik sa bisyo.
Pahayag ni Gustilo, hulaton sini kun ang desisyon sang korte para sa duha bangod makapoy na nga liwat-liwat nga ginahatagan sang tsansa apang wala man nagabag-o.
