Nagapati si Deputy Majority Floor Leader kag Iloilo 1st District Representative Dr. Janette Garin nga magapabilin nga Speaker of the House si Congressman Martin Romualdez.
Sa interview sang Bombo Radyo Bacolod kay Garin, maayo magdumala si Romualdez bilang House Speaker.
Suno diri, sadto kun may mga kinahanglan ang mga kongresista sa House of Representatives, masami nga nagasala sala apang nangin mahipid kag madasig sang si Romualdez na ang House Speaker.
Bangod digitalized na ang ila mga proseso, wala man sang nagakatabo nga duplication, samtang patas man ini sa paghatag sang resources.
Aminado si Garin, nga kun may adisyonal nga trabaho kaangay sa iya nga Deputy Majority Floor Leader, may-ara man ini sang kaupod nga benepisyo.
Kaangay sang pabor, travel ukon adisyunal nga budget.
Sa masami, dugang nga budget para sa ila tagsa ka distrito ang ginapangayo sang mga kongresista nga kabaylo.
Suno kay Garin, tuman ang pagtutok ni Romualdez sa trabaho, gani wala na nagaka-address ang mga nagapakalain kag nagahimo sang fake news angot sa House of Representatives.
Sa pihak sang mga pagpangguba, ginapakamaayo ni Garin nga wala gid nagakadistract si Romualdez kag wala man nagaka-apektuhan ang iya output.
