Natalana nga magpatigayon ang Department of Labor and Employment sang nationwide job fairs sa 49 ka mga sites sa pungsod sa Hunyo 12 kadungan sang Independence Day.
Suno sa DOLE, indi magnubo sa 72,000 job vacancies ang sarang nga ma-applyan sa job fairs, kun sa diin indi magnubo sa 800 ka mga employers ang nagapakigbahin nagikan sa mga industriya sang manufacturing, retail, BPO, accomodation kag financial ukon insurance activities.
Ang mga top vacancies ang ginalakipan sang production operators, sales clerks, call center representatives, service crews kag microfinance officers.
Suno kay DOLE Bureau of Local Employment head Assistant Secretary Patrick Patriwirawan Jr., ila gina-imbitahan ang mga pumuluyo nga magpadulong sa online job matching portal, ang PhilJobs, kun sa diin yara ang bakante nga mga trabaho kag iban pa nga iga-offer sa Adlaw sang Kahilwayan.
