Ginpapauli na ang mga Internally Displaced Persons (IDPs) sa ciudad sang La Carlota nga naga-istar sa gwa sang 6 km extended danger zone sang Bulkan Kanlaon.
Sa interview sang Bombo Radyo Bacolod kay La Carlota City Mayor Rex Jalandoon, sumugod subong nga adlaw, mahimo na nga magbalik ang mga evacuees sa gwa sang 6 km radius matapos ang anom ka bulan nga pagtinir sa evacuation centers.
Madumduman nga sa una nga paglupok sang bulkan, mga yara sa sulod sang 4km radius danger zone lamang ang gin-evacuate, apang sa ikaduha nga major eruption sang Disyembre 2024, gin-ectend ang evacuation sa 6km.
Apang luwas sa mga ini, may pila nga gin-evacuate sa gwa sang 6km radius bangod sa nakita nga mga risgo.
Nagadangat sa 254 ka pamilya ukon 897 ka indibiwal ang makapauli na sa La Carlota City matapos ang mando, kag 64 ka pamilya ukon 332 ka indibiwal na lamang ang nabilin.
Ini agud man nga maligwa ang mga buluthuan nga nagserbe nga evacuation site bangod gamiton sa pagbukas sang School Year 2025-2026.
Ang mga gikan sa sulod sang 6km danger zone ang igasaylo na lamang sa iban nga evacuation sites.
Sarang naman nga makabalik ang pamilya kun indi pa mapuy-an ang ila balay partikular na ang mga nagkalaguba ang atop.
Aminado naman si Mayor Rex nga siya ang wala sang may maipabalon sa mga magapauli magluwas sa 15 meters nga tarpaulin bangod wala pa makaabot ang kwarta nga ginpromisa sang Office of the Civil Defense.
