Nagdagsa ang nagabakal sang school supplies sa downtown area sang Bacolod City kahapon, besperas sang opening sang School Year 2025-2026.
Sa interview sang Bombo Radyo Bacolod kay Lanie Dorya, Lola sang isa ka estudyante sa Barangay Mandalagan, Bacolod City, naghingagaw ini bakal sang kinahanglanon sang iya apo agud nga may gamiton subong nga adlaw ilabi na nga kinahanglan na nga magsuksok sang school uniform.
Suno kay Dorya, maayo ang pagsulod sang mga estudyante sa eskwelahan bangud may yara sila sang maayo nga ginasuksok.
Nagbakal ini sang polo kag pants kasubong man medyas para sa iya nga apo.
Ginpahayag man sini kada magbukas ang klase ini nagabakal sang bag-o nga uniporme.
Aminado man ini nga nagmahal man ang presyo sang mga school uniform sa karun.
