Nangin madinalag-on ang pagbalik klase sa kabug-usan sang Negros Island Region.
Sa interview sang Bombo Radyo Bacolod kay Almyr Caezar Dequiña, Officer-in-Charge sang Department of Education – Negros Island Region, smooth ang nangin una nga adlaw sang School Year 2025-2026.
Suno kay Dequiña, ang mga eskwelahan nga ginhimo nga evacuation centers sang naglupok ang Bulkan Kanlaon ang gin-vacate na gani mahimo na ini maklasehan.
Sa banwa sang La Castellana ang may yara man sang eskwelahan nga gin-vacate sang evacuees ang mahimo na nga maklasehan.
Ginpasalamatan man sini ang mga manunudlo nga nagaserbe frontline sa education.
Wala man sang problema nga nakita samtang ginapatigayon ang una nga adlaw sang School Year 2025-2026.
Nagpasalig man ini nga bukas ang regional office sa paghatag sang bulig kun kinahanglan.
