Bukas ang Negros Occidental Provincial Government sa pag-entertain sang mga himata sang mga Overseas Filipino Workers nga naipit sa nagasingki nga tensyon sa tunga sang Iran kag Israel.
Ang probinsya ang nagbutang sang migrant resource center, OFW help desk sa provincial capitol.
Sa pahayag ni Negros Occidental Governor Eugenio Jose ‘Bong’ Lacson, mahimo lamang nga makig-angot sa probinsya ang mga himata agud nga mabuligan ang mga OFWs kun kinahanglanon.
Ginpahayag sang gobernador nga may yara na sang mga Filipino nga nasamaran kasunod sang pag-atake sang Iran sa Israel apang nagalaom ang gobernador nga wala sang Negrense ang nalakip diri.
Dugang pa sini nga dapat ang mga World Leaders ang maghimo sang tikang sa nagasaka nga tensyon sa tunga sang Israel kag Iran.
Una na nga ginpahayag ni Karen Dinsay, pinuno sang public employment service office ukon PESO nga ang migrant resource center OFW help desk ang sa idalom sang iya opisina.
Ang mga himata sang OFWs ang mahimo magtawag sa numbers hotlines nga (034) 476 7230 ukon 09989569037.
