IDPs sang banwa sang La Castellana nga naapektohan sa paglupok sang bulkan Kanlaon, hatagan sang livelihood

Hatagan sang livelihood ang mga internally displaced persons (IDPs) sang banwa sang La Castellana nga naapektohan bangod sa aktibidad sang bulkan Kanlaon.

Sa pahayag ni Negros Occidental Provincial Administrator Atty. Rayfrando Diaz, kun saylohon ang mga IDPs hatagan man sila sang ila livelihood.

Suno diri, kalabanan sa mga IDPs ang mga mangunguma amo nga hatagan sila sang duta kun sa diin sila makatanom.

Pilion kun ano ang in demand nga mga utanon ukon pananom kag amo ang ihatag sa mga IDPs para mangin palangabuhian nila.

Pahayag ni Diaz, mas maayo sang sa ila mag-antos sila sa abo kag asupre.

Iya ginapangabay sa karun nga makonsiderar ang ini nga plano para sa mga IDPs.