Gin-anunsyar ni US President Donald Trump ang pagpatuman sang timely-ceasefire nga magatapos sang gyera sa tunga sang Iran kag Israel.
Sa social media post ni Trump, gincongratulate sini ang Israel kag Iran bangod sa stamina, courage kag intelligence, sa pagdesisyon nga tapuson na ang gyera.
Ang announcement ang ginpagwa ni Trump pasado alas-6:00 kaina sang aga, oras sa Pilipinas, kag suno diri, suguran ang ceasefire deal makaligad ang anom ka oras.
Una nga magapatuman sang 12-hrs ceasefire ang Iran, nga sundan sang 12-hrs ceasefire sang Israel.
Ginalauman sini nga kun mangin madinalag-on, ang gyera ang matawag na lamang nga “THE 12 DAY WAR.”
Apang sa karun ang Israel kag Iran ang wala pa makapagwa sang official confirmation.
Una na nga ginpasalamaran ni Trump ang paghatag sang Iran sang advance notice sa America para sa ginpatigayon nga missile strike sa Al Udeid Air Base sa Qatar.
Bangod sini, wala sang kabuhi nga nadula kag wala sang nasamaran.
