Gin-abisuhan sang embahada sang Pilipinas sa Qatar ang mga Filipino nga magpangita sang luwas nga matiniran matapos ang pagpalupad sang missiles sang Iran sa mga base military sang Amerika sa pungsod.
Nagpagwa man sang advisory ang Philippine Embassy sa Riyadh sa tanan nga Pinoy sa Saudi Arabia nga imonitor ang sitwasyon.
Nahibaluan nga matapos ang missile strike sa Qatar, ginsiraduhan sang United Arab Emirates kag Kuwait ang ila mga airspace nga nagapatimaan sang pagsuspendi sang mga flights.
Ginpasound naman ang mga sirens sa Bahrain kag gin-activate ang ila air defense system.
Sa karun padayon pa nga ginamonitor ang sitwasyon apang una na nga nagpasalig si President Ferdinand ‘Bongbong’ Marcos Jr. nga preparado kag alerto ang gobyerno agud magbulig sa mga Filipino nga nagatrabaho sa karun sa Middle East.
