May White Lady sa Bacolod?
Nagtuga sang kakulba sa pila ka pumuluyo sa ciudad sang Bacolod ang lalaki nga may malaba nga buhok nakabestida sang puti nga nagaliyong sa dalanon sa tion sang kaagahon.
Siya ang na-aktuhan mismo sang Bombo News Team pasado alas-3:00 kaina sang kaagahon nga nagalakaton padulong sa norte sang dalan Lacson, Barangay Mandalagan.
Ang lalaki nga ginapatihan may deperensya sa paminsaron ang nakatiniil lamang kag nakatabon ang buhok sa iya nawong.
Siya ang naga-akto man nga kaangay nga nagapamahog.
Natuman naman sang Bacolod Police Station 3 ang 3-minutes response matapos magresponder sa reklamo.
Pahayag sang mga ini nga ginasundan-sundan lamang nila ang lalaki, agud gilayon nga mabantayan hinali nga ini ang magpanakit sang mga pumuluyo nga malabayan.
