Naglapad pa ang katubuhan nga gin-atake sang red-striped soft-scale insect (RSSI) kag ang probinsya sang Negros Occidental ang may pinakamalapad.
Sa interview sang Bombo Radyo Bacolod kay Aljun Perez, Science Research Specialist sang Sugar Regulatory Administration, as of June 25 monitoring, nagdangat na sa 2, 027.79 hectares sang katubuhan ang ginhalitan sang RSSI.
1980 hectares diri ang sa Negros Occidental, 3.5 hectares sa Negros Oriental, 24 hectares sa Iloilo samtang 19 hectares naman sa Capiz.
Suno kay Perez, ang una nila nga na-verify nga kaso amo ang sa Barangay 20, Victorias City; Manapla, Cadiz, Toboso, La Carlota, San Carlos City, kag halos tanan nga Local Government Unit sang Negros Occident.
Ang RSSI ang hindi native sa Pilipinas kag bag-o lamang ini nga insekto kun sa diin una nga naobserbahan sa Luzon kag tubtob nga sang Marso 2025 ang probinsya sang Negros Occidental ang may narecord na nga kaso.
Suno kay Perez, indi pa masigurado sa karun kun sa diin gid naghalin ang RSSI antes naglapta sa probinsya kasubong man sa iban nga bahin sang Western Visayas apang padayon nila ini ginatun-an sa karun.
Suno diri, bangud wala nagalupad ang nasambit nga insekto, ila ginasuspetsahan nga naghalin sa planting materials nga ginkuha sa Luzon ang rason sang infestation sang RSSI sa Negros kag Panay Islands.
Ginpahayag man sini nga santo sa characteristics sang peste, magadamo pagid ini ilabi na kun mag-init na ang panahon.
Bangud sa infestation sang insekto ini ang makaapekto man sa produktion sang tubo.
Nagapanawagan si Perez nga magbuligay ang tanan agud nga indi na magdugang lapta ang pagpanghalit sang nasambit nga insekto sa katubuhan sa probinsya kasubong man sa bug-os nga rehiyon.
